سياسة الخصوصية
باختصار
ما نطلب منك حساب، وما نجمع اسمك ولا رقمك ولا إيميلك ولا موقعك.
وش يتحفظ على جوالك بس
- المنطقة أو الجامعة اللي اخترتها، والأماكن اللي فعّلت لها التنبيه، عشان يفتح لك التطبيق عليها مرة ثانية.
- آخر أرقام نزلت، عشان التطبيق يشتغل لو انقطع النت.
هذي المعلومات ما تطلع من جوالك، وتنمسح لو حذفت التطبيق.
الإشعارات
إذا فعّلت «نبهني»، يسجّل جوالك في خدمة Firebase Cloud Messaging من Google، ويشترك في موضوع عام للمكان اللي اخترته (مثل «مدارس القصيم»). نحن ما نحفظ رمز جوالك ولا نعرف مين أنت. نرسل للموضوع كله نفس الإشعار وقت ما ينزل إعلان رسمي. تقدر توقف الإشعارات من التطبيق أو من إعدادات الجوال في أي وقت. Google تعالج هذا حسب سياسة خصوصية Firebase.
الموقع على الإنترنت
زر «حدد موقعي» في الموقع يستخدم موقعك داخل المتصفح بس، عشان يعرف أقرب محافظة، وما يرسله لنا. نستخدم عداد زوار من Cloudflare ما يستخدم كوكيز ولا يتعرف على الأشخاص.
مصادر الأرقام
التوقع مبني على توقعات الطقس (Open-Meteo) والإعلانات المنشورة علنًا. هو تقدير، وليس قرارًا رسميًا. «بكرة دراسة؟» مستقل، وما يتبع وزارة التعليم ولا أي جهة رسمية.
الأطفال
التطبيق مناسب لكل الأعمار، وما يجمع أي بيانات شخصية من أحد، بما فيهم الأطفال.
التواصل
راسلنا على: [email protected]